Нашето највредно и најзначајно културно богатство –фреските во македонските средновековни цркви и манастири е сериозно загразено и му прети опасност од исчезнување.

Веќе дваесет години во Република Македонија не е реализиран ниту еден успешен конзерваторски проект во нашите средновековни цркви. Конзервацијата на фреските во црквата Свети Горѓи во Старо Нагоричане од 14 век со цементен малтер наместо да го стабилизира фрескоживописот дополнително го уништува и фреските во куполите се веќе сосема избледени.

За конзервација на црквата Успение Богородичино во Трескавец со исклучителни фрески од 14 и 15 век Светскиот Фонд за Заштита на спомениците оп Њујорк додели грант од 120 000 долари . Инвестираше и државата – но од тоа бериќет не виде црквата и фреските до денешен ден не се конзервирани.

Ситуацијата е алармантна и во црквата од 17 век во Сливница во Преспа исто така поради лоша кознервација.

Дали нашите институции – национални конзерваторски центри (а ги има вкупно шест) ќе знаат и умеат да ги спасат фреските од Света Богородица Перивлепта во Охрид ? Дали скапите електромагнетни истражувања на теренот околу црквата кои сега ги изведува Управата за заштита на културно наследство со помош на приватна фирма од Хрватска е правото решение за да се спаси црквата ?

Во издание на „Македонида“, фондација за промоција, валоризација и педагогија на културното наследство, деновиве излезе од печат англиската верзија на книгата „Скопје – седум споменици на културата и архитектурата“

Според издавачот Панче Велков, оваа публикација им е наменета пред сé на туристите што доаѓаат во Македонија, и тоа на оние поупатените што имаат интерес за религијата, верските храмови и за византиска уметност.

- Книгата е наменета за поширока публика, богато е илустрирана и не е премногу академска – вели Велков.

Книгата е богато илустрирана и во неа се најзначајните споменици на културата од скопскиот регион („Свети Пантелејмон“ – Нерези, црквата „Св. Никита“ – Бањани, „Свети Андреа“ – Матка, Марковиот манастир, Мустафапашината џамија, „Куршумли-ан“, „Свети Спас“).

Издавачот нагласува дека е потребно да постојат вакви публикации и за останатите споменици во Македонија заради подобра информираност на туристите.

Рецензент и промотор на книгата е професорот Ролф Ахилес, византолог, кој предава на Арт-институтот во Чикаго и активно се занимава со проблемот на заштитата на културното наследство.

Превземено од Нова Македонија